講緊嘅係啲咩洋垃圾呢？就係外國進口嘅廢棄電子產品、零件、塑膠垃圾等，通常呢啲垃圾由美國、加拿大等富裕國家出口到其他國家，由於將垃圾運往東南亞國家嘅成本遠低於本土拆解，有用嘅部份就會拎去回收，其餘部份就留喺當地丟棄。
Advertisements
而香港一直以自由港見稱，貨櫃碼頭吞吐量大，報關抽查寬鬆，加上進出口免稅，因此各國都會用香港嚟轉口貨物。但呢個貿易優勢，被不法商人利用，走私洋垃圾。過去二十幾年一直將洋垃圾包裝成為其他貨物，走私入香港，部份會轉運去其他國家，亦有部份會留喺本地處理。
📌 **新界唔少棕地就係非法回收場，接收電子廢料、五金廢料等洋垃圾，進行非法拆解，提取當中嘅金屬後，轉售到其他國家。** 其他冇價值嘅垃圾呢？如果冇送去堆填區，就會堆積喺棕地！
🤔 **賣垃圾都可以賺億億聲？** 唔好以為用「垃圾」呢個字就覺得唔值錢呀。呢啲「垃圾」入面嘅金屬成分等，經過處理就可以轉售㗎啦！我哋2021年就曾經計過，位於新界嘅9座垃圾山，當中嘅鋁廢料經清洗同篩選後，市值7.5億元至13.7億元！
棕地上嘅亂象困擾香港超過20年，至今仍未解決。想了解更多？綠色和平就同大家嚟個棕地深度遊！即上我哋網站，直擊比電影更超現實嘅棕地「災難」現場 👉🏻
FB: https://act.gp/3YUJWV7
IG: https://act.gp/4hzrZCE
相片來源：電影《焚城》預告片
