最近，我哋收到唔少反映，表示畀人加入陌生WhatsApp群組！😖
我哋想提醒大家，呢啲全部都係騙徒所為，希望各位要提高警覺！😡
⚠騙徒最新手段⚠
🦹🏼♂騙徒會以HKTVmall名義喺WhatsApp開設假嘅「工作台」或者「優惠群」
📲隨機將市民加入群組
💰騙徒會喺群組入面發佈「任務」，聲稱只要幫商戶收藏產品，再截圖證明就可以獲取酬勞或推廣金
🪝完成「任務」後，騙徒會要求市民點擊一個偽冒「HKTVmall工作台」嘅釣魚網站、掃描釣魚QR Code或者透過假網站下載假應用程式，聲稱要先登記以獲取酬勞
💸市民一旦跟從騙徒指示下載假應用程式，或者喺假「工作台」登記個人資料，騙徒就可以得到你嘅個人資料（例如︰姓名，電話，銀行戶口等等）
💰 群組入面仲會有人發出假嘅入數證明，聲稱自己真係賺到錢，試圖令更多人上當
🚨HKTVmall再次強調🚨
HKTVmall及集團旗下所有子公司嘅網店流量、產品銷量同評論都嚟自真實用家❗
我哋都從來冇聘請過任何刷單員❌，或者以推廣方式邀請客戶撰寫產品評價❌，亦唔會要求任何人以收藏產品提高商戶排名❌，更唔容許加盟商戶作出相關行為❌
😟真係畀人加咗入假嘅WhatsApp群組點算好﹖😟
❎絕對唔好點擊任何網站連結、唔好回覆訊息、唔好轉賬畀任何第三方平台、帳戶或可疑人士
✅ 盡快退出、封鎖及舉報相關群組
🫸點樣避免畀人加入陌生群組﹖🫷
只要喺「設定」> 「私隱」> 「群組」> 喺「誰可將我新增至群組」嘅列表選擇「我的聯絡人」，咁陌生人就唔可以加你入群組㗎啦！
❗記住記住❗
✅ 所有HKTVmall嘅訂單交易都只會喺官方網頁或應用程式內進行
✅ 遇到可疑信息，又分辨唔到真偽，可以透過HKTVmall嘅官方網頁或者應用程式聯絡客戶服務部查證
❎ 喺得到回覆前，千祈唔好撳入任何連結，亦唔好回覆群組訊息
✅ 如有懷疑，請各位盡快與有關執法機構聯絡或尋求協助
