機會係要由自己爭取💪🏼，但有時主動送上門嘅機會同優惠，背後隨時係個精心設計嘅騙局！唔想成為下個騙案受害者，就要提高個人防騙意識💡。
Advertisements
🚫空頭支票，真騙徒
騙徒會冒充買家並利用空頭支票付款，賣家銀行戶口嘅「賬面結餘」會因此增加，令賣家誤以為支票已入賬並出貨，造成財物損失。
🔍防騙方法：對方入票後，記得留意戶口嘅「可用結餘」有冇更新，如有先至代表支票已成功兌現。
🚫旅行社「吸引」優惠
騙徒亦會冒充大型旅行社並透過社交平台推廣機票及酒店優惠，同時透過假客服，誘使大眾利用FPS轉賬款項💸。
🔍防騙方法：當面對異常「吸引」嘅優惠時，記得先核實旅行社及優惠嘅真實性，並透過官方渠道再三確認真偽。
🚫提防「荀工」
有騙徒透過社交平台刊登招聘廣告，以人工高、福利好、要求低作為賣點吸引大眾，過程中要求應徵者提供個人及銀行戶口資料，同時施加緊迫感，迫使受害者匆忙做出決定⚡️。
🔍防騙方法：如果有公司喺你申請工作時就即時要求你提供敏感個人資料，就要小心提防，亦絕對唔好透露你嘅銀行登入資料，一次性密碼(OTP)，甚至借出個人名義申請任何貸款。
如有任何疑問，記得致電「防騙易熱線」18222及使用升級版「防騙視伏App」識別可疑來電、網站及銀行賬戶🛡。
立即了解更多👉🏻：https://grp.hsbc/NovFraudFT
